Dy presona kanë mbetur të plagosur si pasojë e të shtënave me armë në rrugën “Qamil Hoxha” në Prishtinë, ka njoftuar Policia e Kosovës.

Të dyshuarit për këtë rast janë identifikuar dhe Policia është në kërkim të tyre.

Insajderi ka mësuar se dy të plagosurit i përkasin moshës 20 dhe 22 vjeçare. Gjendja e tyre është stabile dhe po trajtohen në QKUK.

Ndërkaq, jo zyrtarisht Klan Kosova raportoi se si shkak që e ka sjell plagosjen ka qenë një rrahje e cila ka ndodhur para disa ditësh në një lagje periferike, e që ka vazhduar edhe në qendër të kryeqytetit.

Pamje nga vendi i ngjarjes: