Kryetari i Lidhjes Demokratike të Kosovës, Lumir Abdixhiku ka shkruar për projektin e promovuar nga Qeveria të rrugës Prizren-Tetovë.

Abdixhiku shkroi në Facebook se Qeveria nuk e ka përmbyllur anjë rrugë të vetme, ndërsa po e përmbyllin vitin e tretë në qeverisje.

“Sot, në vitin e tretë të mandatit, flasin për tunele, Prizren – Tetovë, 200 milionë. Muhabetet s’kushtojnë. Ato megjithatë na shpërfaqen të njëjta sikurse para tre viteve. Njëjtë me të njëjtat premtime dalin dhe sot”, shkroi ai.

“Të zënë me organizimin e protestave për mbështetje ndaj vetes – merreni me mend – të fiksuar me diskutime ndaj të shkuarës, të angazhuar në ndarje, sharje e përçarje – pra në thatësi politike – kjo Qeveri nuk ka mundur të bëjnë as edhe një hap të vetëm në zhvillimin infrastrukturor të Kosovës”, shtoi ai.

Në programin e ‘Rrugës së Re’, Abdixhiku shkruan se “të gjitha projektet kapitale për qytetet e mëdha në vend do të përfundojnë brenda 30 muajve”.

“Aq kohë duhet. Aq kohë do të marrin. Aq kohë do të kenë. Dhe, natyrisht, jo me çmime absurde 12-13 milionëshe për kilometër, edhe më pak me aneks marrëveshje që falnin nga 54 milionë, por me kujdes ndaj parasë publike e pa ngarkesë buxhetore që paralizojnë sektorë të tjerë”.

IN Promo Marketing

Furnizohu sot, dhuro shpresë nesër

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja