Kryetari i Kuvendit të Kosovës, Glauk Konjufca, në shtatëvjetorin e vdekjes së Astrit Deharit, ka thënë se përpjekja për drejtësi nuk do të ndalojë.

Konjufca potencoi se drejtësia për Astritin do ta shënojë fitoren dhe reformimin e shumëpritur të sistemit të drejtësisë, transmeton Klankosova.tv.

“7 vite qëkur drejtësia s’po e gjen vetveten. Jeta, veprimtaria, idealizmi, guximi dhe të gjitha virtytet e aktivistit politik të pashoqë u sublimuan në emrin e Astrit Deharit. Aty do të cilësohet gjithnjë vlera e përpjekjeve tona si shtet i dinjitetit dhe shoqëri e emancipimit”, shkroi Konjufca

“Vrasja e tij dëshmoi në mënyrë flagrante masën e padrejtësisë që prodhuan institucionet tona, kurse sistemi ynë i drejtësisë duke e lënë akoma të mbuluar krimin e kobshëm zbulon në mënyrë të përsëritur ngecjen në një të shkuar të errët dhe të dyshimtë”.

“Përpjekja jonë për drejtësi nuk do të ndalojë. Drejtësia për Astritin do ta shënojë fitoren dhe reformimin e shumëpritur të sistemit të drejtësisë. Lavdi dëshmorit Astrit Dehari, emrit të përkryer të aktivistit që do të na prijë përgjithmonë!”, shkroi kryeparlamentari Glauk Konjufca.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur