Kryetari i Partisë Demokratike të Kosovës, Memli Krasniqi ka takuar të enjten në Bruksel zëvendësdrejtorin menaxhues për Evropë në EEAS, Marko Makovec.

Në një postim në Facebook, lideri i PDK-së ka njoftuar se në këtë takim kanë diskutuar për zhvillimet aktuale në Kosovë e rajon dhe për procesin e integrimit evropian, me theks të veçantë për Pakon e Zgjerimit 2023 dhe Planin e Ri të Rritjes për Ballkanin Perëndimor.

“Në këtë kuadër, vlerësova që edhe Kosova, e cila fatkeqësisht ka mbetur e fundit në këtë proces, duhet ta ketë vendin e vet meritor dhe një perspektivë evropiane të prekshme dhe të qartë”, ka shkruar Krasniqi.

Edhe në këtë takim, Krasniqi ka kërkuar që Bashkimi Evropian t’i heqë masat ndëshkuese ndaj Kosovës.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur