Policia e Kosovës ka njoftuar se sot në mëngjes, në pikëkalimin kufitar në Merdare, zyrtarët policorë bashkë me ata të doganës, gjatë kontrollimit në bagazhin e një autobusi, kanë gjetur një revole me gas, e cila kishte qenë e fshehur në një valixhe udhëtarësh

Sipas Policisë, autobusi ishte i një kompanie vendore, i linjës ndërkombëtare Itali-Kosovë.

“Më datën 20.12.2023 në ora 09:05 në Pikë Kalimin Kufitar në Merdar, në hyrje të Republikës së Kosovës, zyrtarë policorë kufitar së bashku me zyrtarët doganor gjatë kontrollimit në bagazhin e autobusit të një kompanie vendore, i linjës ndërkombëtare Itali-Kosovë, me vozitës m/k dhe ndihmës vozitës m/k kanë gjetur një armë (revole me gas), e cila kishte qenë e fshehur në një valixhe udhëtarësh.

Arma e gjetur është sekuestruar, me autorizim të Prokurorit të Shtetit është iniciuar rasti në procedurë të rregullt “Import, eksport, furnizim, transportim, prodhim, këmbim ose shitja e paautorizuar e armëve apo materieve plasëse””, thuhet në njoftim.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur