Kryeministri i vendit, Albin Kurti sot në mbledhje të qeverisë ka folur për arrestimin e Hasan dhe Xhavit Dakajt në kufi me Serbinë. Ndërkohë përmendi edhe dy qytetarë të arrestuar nga Serbia. Nezir Mehmetajn dhe Petrit Dulën, ky i fundit i liruar në prill të 2023-ës.

Siç duket Kurtit nuk i ka arritur ende informacioni që Dula është liruar, shkruan Insajderi.

“…Serbia vazhdon të mbajë në paraburgime dhe 2 qytetarë të tjerë të Republikës së Kosovës, Nëzir Mehmetaj dhe Petrit Dula”, deklaroi kryeministrit pasi foli për arrestimet e fundit.

“Të dy të mbajtur nga autoritetet serbe për gjoja kryerjen e krimeve kundër popullatës civile gjatë luftës në Kosovë. Mehmetaj ka qëndruar me muaj të tërë në paraburgim pa aktakuzë në kundërshtim edhe me vetë ligjet e Serbisë, të gjetura këto që i ka theksuar edhe Fondi për të Drejtën Humanitare në Serbi“.

“Petrit Dula vuan burgimin bazuar në vendimin e gjykatës së shkallës së parë në Beograd, përkundër që dëshmitari në rastin e tij ka mohuar që Dula është autorë i veprës edhe kur është marrë në pyetje nga autoritet në Podgoricë në vitin 2011”, ka thënë Kurti.

Kurti ka thënë tutje se ministrja e Drejtësisë, Albulena Haxhiu, ka kërkuar ekstradimin e Nezir Mehmetaj dhe Petrit Dulës nga Serbia, por se s’kanë pranuar përgjigje.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur