Ish-ministrja e Integrimit Evropian, Mimoza Ahmetaj ka folur në lidhje me çështjen e liberalizimit të vizave, për të cilën ajo tha se është më së paku meritë e kësaj qeverie.

Ajo është shprehur se Kosova disa herë është shantazhuar me pezullim të vizave, siç tha ajo, për shkak të veprimeve të pamatura.

“Çështja e liberalizimit të vizave më së paku është meritë e kësaj qeverie, përkundrazi ka qenë kjo parti dhe parti të tjera të cilat vite më herët në vazhdimësi e kanë mbajtur Kosovën peng dhe për shkak të kryeneçësisë dhe veprimeve të tyre, duke e përfshirë edhe ndezjen, kalljen e parlamentit është shtyrë disa herë liberalizimi, derisa përfundimisht erdhëm tani”, tha ajo në Klan Kosova.

Tutje, Ahmetaj u shpreh se edhe çështja e aplikimit të Kosovës në Këshillin e Evropës ka qenë, siç tha ajo një territor i përgatitur.

“Ne edhe vjet e kemi parë, në disa raste Kosova është shantazhuar se do t’i pezullohet çështja e liberalizimit, pikërisht për shkak të veprimeve të pamatura. Çështja e aplikimit të Kosovës në Këshillin e Evropës poashtu ka qenë një terren dhe territor i përgatitur në detaje”, është shprehur tutje ajo.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur