Policia e Prishtinës ka arrestuar katër persona të cilët dyshohen se janë përfshirë në një rast të gjuajtjes me armë zjarri.

Policia ka sekuestruar po ashtu dy armë zjarri.

Në kërkim janë edhe tre persona të tjerë që dyshohet se janë të përfshirë në këtë rast.

“Policia e Rajonit të Prishtinës, respektivisht hetuesit e stacionit policor Qendra kanë arrestuar katër persona të dyshuar për përfshirje në një rast të përdorimit të armës apo mjetit të rrezikshëm (gjuajtje me armë zjarri), që ka ndodhë me 25 janar 2024 në rrugën Ferat Dragaj në Prishtinë”, thuhet ne njoftimin e policisë.

“Aksionet e hetuesve policor, janë ndërmarrë mbrëmë në koordinim me prokurorin e shtetit, ku pas identifikimit të lokacioneve dhe personave të dyshuar, kanë shoqëruar në polici personat e dyshuar dhe kanë sekuestruar dy armë zjarri”.

“Pas përfundimit të të gjitha procedurave të nevojshme policore, personat e dyshuar janë dërguar në mbajtje për 48 orë, ndërkohë që hetuesit janë në kërkim të tre personave të tjerë që dyshohet se janë të përfshirë në këtë rast”.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur