Kryetari i Prishtinës, Përparim Rama, iu ka kundërpërgjigjur akuzave të ministrit të Bujqësisë, Pylltarisë dhe Zhvillimit Rural, Faton Peci, se qëllimshëm ka bllokuar procedurat për ndërtimin e objektit të ministrisë që ai drejton.

Gjatë ditës së sotme, Peci ka thënë se qytetarët duhet ta dinë se kreu i Prishtinës ka bllokuar çdo procedurë për ndërtimin e objektit të kësaj ministrie.

Rama tha se në këtë proces mungojnë matjet gjeodezike për t’u pajisur me leje ndërtimi.

“Ne faktikisht po them në procesin e transformimit të Kryeqytetit jemi duke kërkuar po ashtu edhe një seriozitet më të madh në aspektit profesional. Pra neve na duhet i gjithë dokumentacioni më pas parasysh më sa e kuptova unë prej Drejtorisë së Urbanizmit mungojnë matjet gjeodezike të cilat janë më së të nevojshme në procesin për me e marrë edhe lejen”, u shpreh Rama.

“… pra nuk ka këtu asnjë aspekt politik apo negativ apo çka do qoftë, mirëpo është aspekt profesional prandaj i lutem edhe ministrit që të ketë një qasje më profesionale në këtë aspekt me ekipin e tij dhe normal nuk do ketë asnjë problem”, deklaroi Rama.

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur