Ambasadorët e vendeve perëndimore, përfshirë përfaqësues nga SHBA-ja, Mbretëria e Bashkuar, Gjermania, Franca dhe shefi i Zyrës së BE-së në Kosovë, morën pjesë sot në vazhdimin e 52-të të seancës konstituive të Kuvendit të Kosovës, të cilën Gjykata Kushtetuese e kishte caktuar si afatin e fundit për përmbushje brenda 30 ditëve.

Pavarësisht pranisë së tyre, deputetët nuk arritën të konstituojnë Kuvendin, pasi Lëvizja Vetëvendosje vazhdoi me të njëjtin skenar – duke hedhur në votim formimin e Komisionit për votim të fshehtë, i cili nuk mori mbështetjen e partive të tjera.

Në momentin kur kryesuesi Avni Dehari ndërpreu seancën, ambasadorët u larguan nga salla, duke mos qëndruar me deputetët opozitarë që vazhduan të flasin nga foltorja e Kuvendit në shenjë proteste.

Seanca dështoi sërish dhe do të vazhdojë nesër në orën 14:00 – një ditë para se të hyjë në fuqi masa e përkohshme e Kushtetueses, që pezullon punën e deputetëve për moszbatim të vendimit të saj për konstituimin e Kuvendit.

IN Promo Marketing

Suksesi i radhës për ‘R & Rukolli Group’: Pijet e reja depërtojnë në tregun gjerman

Intel dhe Nvidia sjellin bashkëpunimin historik: Procesorë Intel me grafikë RTX të integruar

Shërbimi i Telefonave në Zone Mobile: Tani më Lehtë, Më Shpejt dhe Më Lirë!