Sipas kryetares së Gjakovës, Mimoza Kusari-Lila, skenat e tërheqjes zvarrë të Donika Gërvallës dje nga Këshilli Përgjithshëm i LDK-së janë aq të trishta sa të sjellin mosbesim se mund të jenë të vërteta.

Kusari-Lila thotë se mbrëmë kishte mbetur e mpirë teksa shikonte raportimet mediale lidhur me zhvillimet e djeshme në këtë Këshill të Përgjithshëm të LDK-së.

“Mbrëmë mbeta si e mpirë duke e shikuar atë video në mosbesim se dikush që e urdhëron atë skenë është përgjegjës për më shumë në vendin tonë”, ka shkruar ajo.

Kusari-Lila thotë se LDK u tregua e dobët kur e tërhoqi zvarrë Donika Gërvallën e cila, sipas saj, nuk e kërcënoi askënd në LDK, përveç se kishte mendim ndryshe nga të tjerët.

“Me sa u pa Donika Gërvalla nuk paraqiste kërcënim fizik për askënd, nuk kërcënoi me asgjë Këshillin e Përgjithshëm të LDK-së përveç se me mendimin ndryshe, qoftë i drejtë apo i pa drejtë ai mendim. Partia u tregua e dobët, shumë e dobët, shumë e ultë, të tërheq zvarrë një grua me roje sigurimi e cila në dorë mbante vetëm letra”, shkruan kryetarja e Gjakovës në Facebook.

Kusari-Lila tha u bëri thirrje edhe grave të Lidhjes Demokratike të Kosovës që të reagojnë ndaj dhunës së ushtruar mbrëmë. /Insajderi.com

IN Promo Marketing

Kompleksi JONI – Jetë e qetë në zemër të “Prishtinës së Re”

VIPA sjell risi në treg: MAXI tashmë i disponueshëm me dy shije të reja

KESCO prezanton oferta të reja për bizneset në tregun e hapur