Kryeministri i Republikës së Kosovës, Isa Mustafa, priti në takim lamtumirës Ambasadoren e Zvicrës në Kosovë, Krystyna Marty Lang.

Gjatë takimit, kryeministri Mustafa e falënderoi për kontributin e saj për fuqizimin e raporteve të shkëlqyera ndërmjet dy vendeve.

Kryeministri Isa Mustafa, po ashtu, shprehu mirënjohjen e qytetarëve dhe të Qeverisë së Kosovës për përkrahjen konkrete të Zvicrës për Kosovën në shumë fusha, duke shprehur përkushtimin për fuqizimin e mëtejmë të marrëdhënieve bilaterale.

“Zvicra është në vazhdimësi partner shumë i rëndësishëm evropian i Kosovës”, tha kryeministri Mustafa.

Ambasadorja e Zvicrës në Kosovë, Krystyna Marty Lang, e falënderoi kryeministrin Mustafa për bashkëpunimin e ofruar nga Qeveria e Kosovës gjatë mandatit në Kosovë.

Ambasadorja Lang, po ashtu, vlerësoi të arriturat në Kosovë dhe shprehu përkrahjen e mëtejme të Zvicrës për Kosovën.

Gjatë takimit, u diskutua edhe për progresin dhe proceset aktuale në Kosovë, si dhe hapat e Kosovës në zhvillimin ekonomik, proceset euro-integruese dhe fuqizimin e shtetit ligjor./Insajderi.com

IN Promo Marketing

 Eksperienca e blerjeve online arrin në Slloveni!

Rezervo sot dhe shijo fluturimet më të volitshme nga Gjeneva drejt Prishtinës

Furnizohu sot, dhuro shpresë nesër