Dy muaj më parë, Kryetari i Kuvendit të Kosovës, Kadri Veseli, kishte pritur në takim përfaqësuesit e një grupi specializantësh të mjekësisë, të cilët e informuan kryeparlamentarin Veseli me problemin me të cilin ishin duke u ballafaquar.
Rreth 300 specializantë, kryenin shërbimet e tyre në sistemin shëndetësor dhe prej dy vitesh nuk kishin marrë asnjë lloj kompensimi financiar. Me këtë miratim të buxhetit zgjidhet edhe çështja e specialistëve të papunë.
Gjatë atij takimi, kryetari Veseli u kishte premtuar specializantëve se do të angazhohej maksimalisht për gjetjen e zgjidhjes së kësaj situate të papranueshme për ta.
Me aprovimin e ligjit të ndryshuar të Buxhetit për vitin 2016, nr. 05/L-071, kërkesa e specializantëve për kompensim u realizua dhe do të zbatohet në pajtim me ligjin. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
