Kryetari i Prishtinës, Shpend Ahmeti, ka njoftuar të shtunën se ka revokuar lejen e BeerFest-it për sot e nesër.
“Ky vendim jo i lehtë merret pas takimeve me organizatorët, policinë dhe drejtoritë përkatëse”, ka thënë Ahmeti.
Vendimi për ndalimin e mbajtjes së BeerFest-it në Prishtinë vjen si pasojë e lëndimit së një 15-vjeçari i cili së bashku me të mbledhurit e tjerë në sheshin Zahir Pajaziti filluan të largohen duke vrapuar pasi një person shtiu me armë zjarri.
Ahmeti ka thënë se e gjitha ka ndodhur për shkak të numri të madh të njerëzve “që ka tejkaluar të gjitha kapaciteter organizative dhe ka shfaqur disa probleme substanciale.”
“Kryesoret kanë qenë mungesa e kapacitetit për të garantuar sigurinë nga ana e organizatorëve për shkak te numrit të madh të njerëzve dhe prania e madhe e minorenëve (nën 18 vjeç) në shesh”, ka shkruar Ahmeti në llogarinë e tij në Facebook./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
