Deputetja e Lëvizjes Vetëvendosje, Albulena Haxhiu, kërkon që qytetarët e Kosovës të “mos e tolerojnë më gjatë” kryeministrin e Kosovës, Isa Mustafa, i cili sipas Haxhiut, nuk përfaqëson interesat e qytetarëve të Kosovës.
Sipas saj, kauza e opozitës në lidhje me demarkacionin me Malin e Zi nuk është kauzë e rrejshme, siç e ka cilësuar Mustafa sot në një intervistë për REL, duke potencuar se janë mbi 200 mijë nënshkrime të qytetarëve; janë rreth 100 mijë njerëz që kanë kundërshtuar këtë marrëveshje nëpër sheshet e Prishtinës, dhe sipas saj, e njëjta është kundërshtuar edhe nga profesorët dhe ekspertet më të mirë nga Kosova e Shqipëria.
“Qytetarët nuk e meritojnë një njëri si ky andaj angazhimi jonë për heqjen e tij duhet rritur. Unë i thërras qytetarët që të jenë të vëmendshëm ditëve në vijim dhe të mos e tolerojnë një njëri që po e rrezikon të ardhmen e Republikës dhe fëmijëve tanë”, ka theksuar Haxhiu.
Kryeminstri Mustafa në anën e tij, vazhdon të mbrojë Demarkacionin me Malin e zi duke thënë se Kosova nuk humbë asgjë me demaskimin aktual të kufirit. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
