Kryetari i Këshillit Kombëtar të NISMA për Kosovën, Jakup Krasniqi, sot ka pritur në takim lamtumirës përfaqësuesin special të BE-së në Kosovë, Samuel Zhbogar.

Në takim është folur rreth situatës politike, ekonomike dhe sociale në vend.

Përfaqësuesi special i BE-së në Kosovë, Samuel Zhbogar, ka shprehur mirënjohje të thellë për bashkëpunimin me Krasniqin, edhe sa ishte kryetar i Kuvendit të Kosovës, e po ashtu edhe për bashkëpunimin e ngushtë me NISMA për Kosovën, në fushat e ndryshme me interes për qytetarët e Kosovës.

Zhbogar tha se e çmon angazhimin e NISMA-s në skenën politike të Kosovës, dhe uron që edhe në të ardhmen NISMA të ketë sa më shumë suksese, në shërbim të qytetarëve të vendit, thuhet në komunikatën e kësaj partie.

Kryetari i Këshillit Kombëtar të NISMA-s, Jakup Krasniqi, e ka falënderuar përfaqësuesin special të BE-së në Kosovë, Samuel Zhbogar, për angazhimin që ka bërë gjatë këtyre viteve të mandatit të tij në Kosovë, në veçanti për bashkëpunimin e deritanishëm që Zhbogar kishte me subjektin NISMA për Kosovën./Insajderi.com

IN Promo Marketing

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...