Lidhja Demokratike e Kosovës ka reaguar ndaj nënkryetarit të Lëvizjes Vetëvendosje, Driton Çaushi, i cili sot i ka thënë kryeministrit të vendit, njëherësh shef i LDK-së, Isa Mustafa, se “vendin e ka në burg”.

Përmes një komunikate, LDK ka thënë se Çaushi “ashtu si kolegu i tij Molliqaj, dëshmoi sot edhe njëherë se kjo parti dëshiron që të rrëmbejë pushtetin për të futur në burg kundërshtarët politikë, për të larguar nga vendi ambasadorët perëndimorë dhe për të persekutuar gazetarët dhe qytetarët e tjerë që nuk pajtohen me idetë e tyre neokomuniste”.

LDK po ashtu e ka akuzuar Vetëvendosjen se po përpiqet të shkaktojë gjakderdhje në Kosovë.

“Me fjalorin dhe idetë e tij kriminale të shpërfaqura sot, Driton Çaushi ka dëshmuar se ka të njëjtat qëllime si Zan Çaushi i Vlorës në vitin 1997, dhe në fakt, duke parë veprimet e deritashme VV po përpiqet të shkaktojë të njëjtën gjakderdhje në Kosovë”, thuhet në reagimin e LDK-së.

Lidhja Demokratike e Kosovës ka thënë se zyrtarët e VV-së e kanë vendin në “burgun e historisë”, kjo sepse sipas tyre, VV po e shkatërron të ardhmen e qytetarëve të Kosovës. /Insajderi.com

IN Promo Marketing

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!

Udhëto drejt Evropës me çmimet më të lira në treg – EphesusTravel hap sezonin e ri për udhëtime, akomodim dhe...