Agron Demi, drejtor i institutit GAP, ka thënë se përgjimet e djeshme të ish-shefit të grupit parlamentar të PDK, dëshmojnë se kushdo që e tradhton misionin e tij, bëhet jo relevant “dhe nuk kanë vlerë as për ata të cilëve u shërbejnë”.
Demi në llogarinë e tij në Facebook ka shkruar se Adem Grabovcit nuk i mjaftuan ballinat në gazetë prandaj kërkonte hapësira të reja, “duke injorua komplet atë grup medial i cili ka shkelë parimet etike dhe profesionale për ti shërby një partie”.
“Fatkeqësisht, kësaj rruge i ka hyrë edhe RTK. Ky medium publik, po bëhet aq jo relevant sa më nuk do t`i hyj ne punë as pushtetit. Ashtu siç e ka humb relevancën TVSH. Në Shqipëri, lufta politike tani përqendrohet në kontrollin e mediave private, askush nuk shkon më në debatet e TVSH e askujt nuk i intereson politika programore e saj”, shkruan Demi. /Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
