Zëdhënësi i Policisë së Kosovës, Daut Hoxha i ka thënë Klan Kosovës, se përkundër faktit se protesta nuk është lajmëruar zyrtarisht, forcat e rendit janë përgatitur për këtë protestë.
‘’Pikërisht për ditën e nesërme ne nuk kemi ndonjë lajmërim që mund të ketë një protestë e tillë pavarësisht zhvillimeve që do të ndodhin”, tha Hoxha.
Ai shpjegoi detyrat dhe përgjegjësitë e policisë së Kosovës, teksa inkurajoi “të gjithë pjesëmarrësit të jenë të qetë dhe të shprehin pakënaqësitë e tyre në suaza normale”.
‘’Duke u bazuar në detyrat dhe autorizimet ligjore, Policia e Kosovës, me kohë ka marrë masat përgatitore në lidhje me protestën e nesërme e cila është organizuar. Pavarësisht a është e lajmëruar apo nuk është lajmëruar, policia, është në gatishmëri emergjente, pavarësisht se si do të rrjedh situata”, tha Hoxha./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
