Bordi i Drejtorëve i Agjencisë Kosovare të Privatizimit në mbledhjen e së martes kanë marrë disa vendime për likuidimin e disa ndërmarrjeve shoqërore.

Ky bord dha pëlqimin që në pronën e ndërmarrjes shoqërore “Podrima” në Rahovec të ndërtohet një objekt i përkohshëm “Teatri Veror” në Hoqën e Madhe, aprovoi dhënien me qira të asetit të NSh “Ereniku-Industria”, në vendin e quajtur Piskotë, dhe marrëveshjen e re të qirasë së aseteve të NSh-së me Federatën e Futbollit.

Gjithashtu Bordi u njoftua me raportin përfundimtar të Autoritetit të Likuidimit për ndërmarrjen shoqërore KB Xhafa, e cila do të dorëzohet në Dhomën e Posaçme të Gjykatës Supreme për aprovim.

AKP njofton se Bordi e ka shqyrtuar edhe raportin mujor të punës së ndërmarrjen shoqërore “Trepça”, dhe morën vendimin që në ditët në vazhdim të vizitoj Trepçën, njësinë në veri të Komunës së Mitrovicës. /Insajderi.com

IN Promo Marketing

Arrin në Zone Mobile sasi e re e Iphone 17 Pro Max dhe Ipad Pro, çmime të reja nga e...

Kompleksi “MALI” në Vushtrri – Investim i sigurt dhe zgjedhja e duhur

Meridian Express feston 13 vite me shpërblime, çmime të lira dhe risi për klientët besnikë!