Kryetarja e Gjakovës, Mimoza Kusari-Lila, ka ripërsëritur se brenda shumë pak kohësh do të krijohet partia e re politike të cilën e kishte paralajmëruar më herët së bashku me ish-deputetin e Vetëvendosjes, Ilir Dedën.
Por, Kusari-Lila sërish nuk ka qenë në gjendje të tregojë një datë kur do të ndodhë një gjë e tillë.
“Të jeni të sigurt se një projekt i ri politik do të vij shume shpejt”, ka thënë ajo.
Deda dhe Kusari-Lila paralajmëruan partinë e re në qershor të këtij viti dhe që nga atëherë kanë refuzuar të tregojnë për datën. Për më tepër, ata nuk kanë treguar ende as emrin e partisë, anëtarët dhe detaje të tjera.
Duke folur për televizionin Klan Kosova të mërkurën, Kusari-Lila tha se detajet “do të behën publike shumë shpejt”./Insajderi.com
Materialet e publikuara nuk mund të kopjohen ose përdoren pa lejen paraprake të redaksisë së Insajderit.
© 2016-2025 Gazeta Online Insajderi - Të gjitha të drejtat e rezervuara.
