Nesër, 17 shkurt, Kosova feston 15-vjetorin e shpalljes së pavarësisë, ndërsa në kryeqytet nuk ndihet fare atmosfera festive.
Sheshet e Prishtinës që zakonisht janë stolisur me flamuj të shtetit, këtë vit ende nuk është vepruar njëjtë.
Të paktën sot nuk është parë asnjë flamur i Kosovës në sheshet e kryeqytetit.
Gazeta Insajderi ka kontaktuar nënkryetarin e Prishtinës, Alban Zogaj për ta pyetur se cila është arsyeja e vonesës për dekorim të qytetit.
Zogaj tha se aktualisht janë duke u dekoruar rrugët kryesore.
“Janë duke u dekoruar të gjitha rrugët kryesore“, ka thënë Zogaj për Insajderin.