Kristjan Asllani ka luajtur ndeshjen e tij të parë si titullar për Interin.

Mesfushori shqiptar zhvilloi një ndeshje shumë të mirë ndaj Romës teksa në momentin e zëvendësimit u duartrokit nga tifozët e pranishëm në Giuseppe Meazza.

Të martën në mbrëmje Interi pret Barcelonën dhe pritet që edhe në këtë takim ylli shqiptar të jetë në fushë nga minuta e parë.

Për këtë ka folur edhe trajneri Simone Inzaghi i cili ka lavdëruar paraqitjen e mesfushorit të talentuar ndaj Romës dhe ka konfirmuar se është gati për duelin ndaj Barçës.

“Sa i përket Asllanit, ai zhvilloi një ndeshje shumë të mirë ndaj Romës. Tregoi ato kualitetet që i ka shfaqur prej ditës së parë që është në skuadër”.

“Sigurisht është gati për të luajtur edhe ndaj Barcelonës”, ka deklaruar trajneri italian.

Reklama

20-vjeçari iu bashkua Interit gjatë verës, teksa këtë edicion ka luajtur në katër ndeshje në total. /Telegrafi/