Nëse i kërkoni një fëmije të vogël të vizatojë një avion, ai ka shumë të ngjarë të vizatojë dritaret e pasagjerit si të vogla dhe ovale, por avionët nuk janë dukur gjithmonë kështu. De Havilland Comet, një dizajn i hershëm i avionëve komercial, bëri dritare katrore. Por brenda vetëm pesë viteve nga prezantimi i tyre, të tre avionët patën një sërë aksidentesh tragjike.

Pas përplasjes së tretë në vitin 1954, një hetim përcaktoi se të tre përplasjet ishin shkaktuar nga kornizat e dritareve të çara, rezultat i dizajnit të tyre katror. U zbulua se dritaret katrore e përballonin në nivel të dobët stresin e shkaktuar nga presioni i shtuar i kabinës që vjen me fluturimin në lartësi të mëdha.

Megjithatë, lartësia e madhe është një element i domosdoshëm i fluturimit komercial, ka më pak zvarritje, që nga ana tjetër do të thotë më pak karburant i përdorur. Kjo është ideale për linjat ajrore pasi u kursen para dhe redukton ndikimin e fluturimit në mjedis. Gjithashtu ka më pak turbulenca në lartësitë më të larta, gjë që e bën fluturimin më të rehatshëm.

Cila ishte zgjidhja? Zëvendësimi i dritareve katrore me ato ovale. Kjo ndihmon për të shpërndarë në mënyrë të barabartë presionin e aplikuar në dritare, duke zvogëluar kështu mundësinë e plasaritjes.