Aleanca për ardhmërinë e Kosovës ka reaguar ndaj raportimeve në media, se kinse partia e Ramush Haradinaj mund të hyjë në Qeverinë e Isa Mustafës.

AAK-ja deklarohet se me asnjë çmim, nuk do të jetë pjesë e Qeverisë Mustafa.

“Qëndrimi parimor dhe i vendosur i AAK-së, për të kundërshtuar keqqeverisjen dhe për ta bërë opozitarizmin sipas parimeve që e udhëheqin këtë parti, i ka çuar peshë disa mediume të sponsorizuara, herë nga njëra e herë nga pala tjetër, që të fabrikojnë rrena se si AAK po hyn në qeveri”, thuhet në reagimin e AAK-së.

“Me këtë qeveri do të shihemi vetëm në zgjedhje, të cilat s’mund t’i ndalë kush. Prandaj fushata e rrenave, nuk do të mund ta dëmtojë më AAK-në, sepse qytetarët po i shohin vlerat e secilit”, thuhet në reagimin e AAK-së./Insajderi.com