Ish-deputeti i Vetëvendosjes, Haki Abazi ka reaguar pasi një kat i objektit të Institutit të Mjekësisë Ligjore është përfshirë nga zjarri, mëngjesin e sotëm.
Abazi në “Facebook”, ka hedhur akuza se ky objekt është djegur nga pushteti.
“Njëherë e vjedhën e tani e dogjën”, ka shkruar Abazi.
Ai tha se objekti u djeg pas marrjes në pyetje të ministres së Drejtësisë, Albulena Haxhiu.
“Deklarata publike pas intervistimit nga prokurori i rastit dëshmon që komunistët nuk besojnë në drejtësinë e pavarur, nuk e durojnë drejtësinë që nuk është sipas dëshirës së tyre. Kjo sjellje dhe ky interferim nga pozita të larta është i rrezikshëm e është i papranueshëm për shoqëritë demokratike”, shkroi Abazi.
Postimi i plotë:
Njëherë e vjedhën, tani e dogjën dhe në ndërkohë Ministrja e Drejtësisë bën padrejtësinë e shkelje të rëndë, duke degraduar e interferuar me shtyllën e pavarur, nga pozita e ministrës dhe në prapaskenë me logon e qeverisë së republikës fyen prokurorin.
Deklarata publike pas intervistimit nga prokurori i rastit dëshmon që komunistët nuk besojnë në drejtësinë e pavarur, nuk e durojnë drejtësinë që nuk është sipas dëshirës së tyre. Kjo sjellje dhe ky interferim nga pozita të larta është i rrezikshëm e është i papranueshëm për shoqëritë demokratike.
Ky nuk është ndryshimi, ky është VetëVazhdimi!