Ambasadori britanik në Kosovë, Nicholas Abbott, ka treguar se sekretari i jashtëm britanik, David Cameron, ka dëgjuar dëshmitë prekëse të familjeve të të zhdukurve gjatë luftës në Kosovë.

Ai tha se Cameron ka zhvilluar dhe një takimin me një të mbijetuar të dhunës seksuale.

“Isha veçanërisht i kënaqur që Lordi Cameron ishte gjithashtu në gjendje të dëgjonte dëshmitë prekëse të anëtarëve të familjeve të të zhdukurve, si dhe takimin me një të mbijetuar të dhunës seksuale të lidhur me konfliktin. Ai dëgjoi nga dora e parë për rëndësinë e mbështetjes së qëndrueshme për të mbijetuarit dhe trajtimin e stigmës, si dhe nevojën urgjente për të zhbllokuar bashkëpunimin rajonal për personat e zhdukur për t’u siguruar familjeve të të zhdukurve përfundim dhe llogaridhënie”, ka shkruar Abbott.

Tutje, Abottka përsëritur mesazhin e shefit të diplomacisë britanike se dialogu nuk ka alternativë.

“Të gjitha këto takime nënvizuan pse, në një kohë kaq të vështirë globalisht, ne duhet të parandalojmë rikthimin e konfliktit në rajon. Ne kemi përgjegjësinë të bëjmë gjithçka që mundemi për të ruajtur arritjet e arritura përmes paqes dhe dialogut. Siç e bëri të qartë Lordi Cameron në takimet e tij, nuk ka asnjë alternativë për zgjidhjen e çështjeve të pazgjidhura përveçse përmes dialogut dhe zbatimit të plotë të marrëveshjeve të mëparshme”, ka shkruar ambasadori Abbott në Facebook.