Kryetari i LDK-së, Lumir Abdixhiku, në emisionin DPT te Fidani në T7, ka thënë se Llapi shkon pa balotazh për LDK-në, shkruan Express.

Abdixhiku nuk hezitoi që të thotë se kandidati i LDK-së për kryetar të Podujevës, Ekrem Hyseni, është njeri i jashtëzakonshëm.

“Llapi shkon pa balotazh për LDK-në”, është shprehur Abdixhiku.

Tutje, Abdixhiku tha se LDK-ja dhe Llapi janë një. Sipas tij, për ta ngritur LDK-në duhet ngritur Llapin dhe Llapi ka rënë kur ka rënë LDK-ja.

“Llapi dhe LDK-ja janë një. Kur ka ra Llapi ka rënë edhe LDK-ja. Për ta ngritur LDK-në duhet ngritur Llapin. Nuk kanë fare arsye të mos e mbështesin LDK-në në këto zgjedhje”, ka thënë Abdixhiku.

“Jo në politikë, por në jetën time nuk kam takuar njeri më të mirë se Ekrem Hyseni. Nuk kam takuar njeri që flet keq për Ekrem Hysenin”, ka thënë Abdixhiku.