Në seancën e Kuvendit, shefi i grupit parlamentar të PDK-së, Abelard Tahiri, ka kritikuar ministren e Industrisë, Ndërmarrësisë dhe Tregtisë, Rezeta Hajdarin.

Tahiri e quajti Hajdarin ministre që vodhi rezerva shtetërore.

”Vitin e parë të qeverisjes së juaj, qytetarët kanë mundur t’i besojnë konfiskimit. Por tashmë në këto tri vite njerëz që keni vjedhur bashkë me Ridvan Muharremin, qe ku e keni një ministre, e cila ka vjedhur rezervat shtetërore.Po ashtu, i keni vjedhur 100 milionë euro përmes energjisë elektrike me Martin Berishajn”, tha Tahiri.

Ndërsa ministrja Hajdari iu përgjigj duke thënë se s’ka asnjë evidencë se ajo ka vjedhur diçka.