Kryetari I FFK-së Agim Ademi në Radio Televizionin e Kosovës deklaroi publikisht se nuk egziston letra e UEFA-s që tregon se ai është i dënuar deri më 31 dhjetor të vitit 2022.

Por, letrën e UEFA-s e ka siguruar Insajderi në të cilën shkruhet se Agim Ademi është i suspenduar deri në dhjetor të vitit 2022.

Ai deklaroi se nëse letra ekziston, të bëhet publike.

Pas emisionit, opozita e Agim Ademit ka bërë publike letrën e UEFA-s, që tash e një kohë ka arritur në zyret e FFK-së.

Është Komisioni i Kontrollit, Etikës dhe Disiplinës i UEFA-s që ka vendosur ta dënoi Agim Ademin.

Atij i ishte ndaluar marrja me futboll deri më 31 dhjetor të vitit 2022 për shkak të dënimit me burg që i ishte shqiptuar në Kosovë. Vendimi është i Thomas Partl, ndërsa mban datën 20 gusht 2020.

Por, Ademi shmangu vuajtjen e dënimit, ndërsa rasti i tij u kthye në rigjykim.

Komiteti Ekzekutiv ka shpallur datën e 6 prillit për të zgjedhur Kryetarin e ri të FFK-së.

Agim Ademi dhe Gramoz Vokrri kanë kandiduar për pozitën e të parit të FFK-së. /Insajderi.org/