Xherdan Shaqiri ka blerë një shtëpi të re në qytetin e Stoke dhe kjo e bindë trajnerin e Stoke Cityt, Marc Hughes, që të jetë i sigurt për qëndrimin e yllit të Zvicrës në skuadrën e “poçarëve”.

Tifozët e Stoke janë shqetësuar pas fjalëve të agjentit të Shaqirit, njëkohësisht të vëllait të tij, Erdinit, se një lëvizje e mundshme tek Roma, mund të ndodhë që në janar.

“Kurrë mos thuaj kurrë”, ishte shprehur Erdin Shaqiri rreth 1 muaj më parë, kur u pyet rreth interesimit të Romës për Shaqirin, raporton Insajderi.

Mirëpo trajneri i Stoke Cityt hedhi poshtë komentin e agjentit të Xherdan Shaqirit, duke u shprehur i bindur për qëndrimin në Angli të mesfushorit.

“Komentet për largimin e Shaqirit janë spekulime. Shaqiri është duke lëvizur në një shtëpi të re për momentin dhe kjo nënkupton se ai është i lumtur dhe i ambientuar këtu”, tha Hughes për tabloidin anglez Mirror.

Stoke City ballafaqohet sot me Swansea Cityn në “Britannia Stadium”. Ndeshja është e vlefshme për javën e 10 të Premier Ligës. /Insajderi.com