Katër persona janë lënduar si pasojë e një aksidenti që ka ndodhur sot në sot në Veternik.

Zëdhënësja e PK-së, Flora Ahmeti, tha për Gazetën Insajderi se në aksident janë përfshirë pesë vetura.

“Deri më tani  bëhet e ditur se në aksident janë përfshirë pesë automjete dhe për pasojë katër persona kanë pësuar lëndime trupore. Të lënduarit janë dërguar në QKUK, për trajtimin e nevojshëm mjekësor”, tha ajo.

Njësia rajonale e trafikut ka dalë në vendin e ngjarjes dhe po ndërmerr veprimet e nevojshme për ndriçimin e shkaqeve që kanë sjellë deri te aksidenti.