Një aksident trafiku ka ndodhur gjatë ditës së djeshme në fshatin Korentin të Kamenicës, si pasojë e aksidentit kanë mbetur të lënduar dy persona.

Lajmin për Insajderin e ka konfirmuar zëdhënësi i policisë për rajonin e Gjilanit, Ismet Hashani.

Në aksident ishin të përfshirë një automjet dhe një motoçikletë.

“Motoçiklisti si pasojë e lëndimeve serioze është dërguar për trajtim në Qendren Klinike dhe Universitare. Ndërsa pasagjeri është duke u trajtuar ne Emergjencën e Spitalit Rajonal në Gjilan”, tha Hashani për Insajderin.

Më tutje ai bëri të ditur se rrethanat dhe shkaktaret e këtij aksidenti janë duke u hetuar nga hetues policor të trafikut rajonal në Gjilan.