Një aksident trafiku ka ndodhur sot në rrugën Mitrovicë-Prishtinë, ku për pasojë pesë persona janë lënduar.

Lajmin për Insajderin e ka konfirmuar zëdhënësja e policisë për rajonin e Prishtinës, Flora Ahmeti.

Sipas Ahmetit në aksident janë përfshirë dy automjete.

“Sot rreth orës 12:40 kemi pranuar informatën se në rrugën Mitrovicë-Prishtinë ka ndodhur një aksident trafiku. Në këtë aksident kanë qenë të përfshira dy automjet. Si pasojë e aksidentit lëndime trupore kanë pësuar pesë persona”, ka thënë Ahmeti.

Ajo ka shtuar se me rastin po merret hetuesia nga trafiku rrugor.