09:36 - 01 Mars 2023

Qeveria greke vendosi të mërkurën të mbajë zi zyrtare treditore pas përplasjes më vdekjeprurëse të trenave në historinë e vendit.

Më herët gjatë ditës, zyrtarët thanë se të paktën 36 njerëz u vranë dhe 85 u plagosën kur një tren pasagjerësh që transportonte qindra njerëz, duke përfshirë shumë studentë të universitetit që ktheheshin në shtëpi nga pushimet, u përplas me shpejtësi të lartë me një tren mallrash që po afrohej në Greqinë veriore.

Gjatë periudhës së zisë, flamuri grek do të valëvitet në gjysmështizë në të gjitha ndërtesat publike, ndërsa të gjitha festimet publike janë anuluar. 

Kryeministri Kyriakos Mitsotakis po udhëton për në Larisa ku do të informohet për aksidentin, tha zyra e tij.