Prokuroria e Pejës në bashkëpunim me Policinë e Kosovës kanë zhvilluar një aksion në fshatin Gorazhdec të Pejës dhe në Osojan të Istogut.

Nga ky aksion shtatë persona janë shoqëruar në polici.

Lajmin për Gazetën Insajderi e ka konfirmuar zëdhënësi i Prokurorisë së Pejës, Shkodran Nikqi.

“Janë shoqëruar shtatë persona. Të njëjtit janë intervistuar në stacionet policore dhe me autorizimin e prokurorit janë hapur raste penale. Ndërsa janë sekuestruar dokumente të ndryshme”, ka thënë Nikqi.