Boksierja algjeriane Imane Khelif arriti në gjysmëfinale të Lojërave Olimpike dhe kështu siguroi medaljen e parë për në Paris, ndërsa pas triumfit kritikoi Federatën Ndërkombëtare të Boksit (IBA).

Khelif është biologjikisht grua dhe jo trans siç u raportua më herët, por u konstatua se ajo ka tepricë të hormoneve mashkullore, gjë që çoi në dyshimin se është mashkull.

Komiteti Olimpik Ndërkombëtar e lejoi Khelif të konkurronte në garën e femrave edhe pse Organizata Botërore e Boksit (IBA) e ndaloi më parë atë nga Kampionatin Botëror vitin e kaluar.

“Kam vite që boksoj nën kujdesin e Federatës Ndërkombëtare të Boksit, e cila më ka bërë padrejtësi. Por, Allahu është me mua. Allahu Ekber!”, tha algjerianja pas meçit.

Khelif mundi me vendim unanim hungarezen Anna Luca Hamori dhe në fund të ndeshjes nuk i fshehu dot emocionet, ku qau pas gjithçkaje që i ndodhi ditëve të mëparshme. /Insajderi.org/

Imane Khelif in an interview after beating Luca Hamori, “I have been boxing for years in the International Boxing Association which has committed INJUSTICE towards me. But I have Allah with me ☝️ Allahu Akbar.”pic.twitter.com/NcwIGHXD3U

— Football Report (@FootballReprt) August 3, 2024