Ambasadori i Gjermanisë në Kosovë, Jorn Rohde ka kërkuar nga autoritetet që ta trajtojnë lëndën për Klan Kosovën me profesionalizëm dhe kujdes.

Ai në “Twitter” tha se është i shqetësuar për këtë rast.

“Unë po ndaj këto shqetësime në lidhje me zhvillimet e fundit në Klan Kosova. Tërheqja e licencës së biznesit duket joproporcionale. Pres që autoritetet e përfshira ta trajtojnë këtë me profesionalizëm dhe kujdes, nuk ka të bëjë vetëm me ndonjë aktivitet të vogël biznesi, por me lirinë e medias”, ka shkruar ai.

Ambasadori gjerman këto komente i ka bërë pasi ka shpërndarë në Twitter reagimin e disa prej organizatave më kryesore ndërkombëtare për lirinë e medieve, të cilat kanë bërë thirrje që të zgjidhet çështja e certifikatës së Klan Kosovës