Kapiteni i Kosovës, Amir Rrahmani, është rikthyer në stërvitje pas katër javësh mungesë.

Rrahmani kishte pësuar lëndim të muskujve në ndeshjen e Napolit ndaj Bragës në kuadër të Ligës së Kampionëve.

Ai ishte katër javë jashtë fushës së gjelbër, teksa i kishte munguar edhe Kosovës në ndeshjet për kampionatin evropian “Euro 2024”.

Tani, 29-vjeçari ka lënë pas lëndimin dhe do të fokusohet në radhët e Napolit, kur do të udhëtojë te Verona të shtunën.