×
  • Lajme
  • Insajderi / Insajderi

    “Analistja e pushtetit”- zgjedhet anëtare e Komisionit të Pavarur për Media

    Insajderi
    24 May 2023 - 15:40
    Klikoni Këtu për t'u bërë pjesë e kanalit të Insajderit në Youtube.

    Luljeta Aliu – Krasniqi, analistja e cila mbronte krahun e pushtetit, është zgjedhur me 48 vota për anëtare e Komisionit të Pavarur për Media.

    Aliu – Krasniqi u votua përgjatë seancës së sotme parlamentare, ku edhe ishte në rend të ditës votimi i tre anëtarëve të Komisionit të Pavarur të Mediave, shkruan Gazeta Insajderi.

    Komisioni i Pavarur i Mediave (KPM) ka për detyrë rregullimin, menaxhimin dhe mbikëqyrjen e spektrit të frekuencave të transmetimit në Republikën e Kosovës.

    Sekretari i Përgjithshëm i Federatës Evropiane të Gazetarëve, Ricardo Gutierrez, pati reaguar për afërsinë e kandidatëve për anëtarë të KPM-së me LVV-në.

    “Kuvendi i Kosovës pritet që sot të zgjedhë tre anëtarë të Komisionit të Pavarur të Mediave. Jam thellësisht i shqetësuar të dëgjoj që partia që udhëheq në Kosovë, Lëvizja Vetëvendosje, do të zgjedhë persona që janë përkrahës të kësaj partie”, pati thënë Gutierrez. /Insajderi.org/

    OP-ED
    Nga Rubrika

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark