Policia e Kosovës i ka arrestuar dy persona në Istog, ata dyshohet se kanë vjedhur një veturë të tipit “Passat”.

Sipas njoftimit të PK-së, kjo veturë ishte vjedhur më 23 janar.

“Të dyshuarit me inicialet M.H., i lindur në vitin 2000 dhe K.V., 2002, kanë thyer derën e garazhit dhe kanë vjedhur veturën më 23 janar”, thuhet në njoftimin e PK-së.

Vetura e vjedhur është konfiskuar dhe i është kthyer pronarit, e rasti është iniciuar si “vjedhje e rëndë”.

Të dyshuarit janë ndaluar për 48 orë.