Policia e Kosovës ka arrestuar dy persona, ndaj të cilëve ishte lëshuar urdhër arrest ndërkombëtar për veprën penale “vjedhje e rëndë”, të kryer në Austri.

Bëhet e ditur se policia ka kryer bastisje në katër lokacione të ndryshme në rrethinë të kryeqytetit.

“Gjatë bastisjeve, në cilësi të dëshmive materiale janë sekuestruar një sasi e stolive të arit, dy automjete si dhe 156 fishek të kalibrit 9 mm”, thuhet në raportin 24 orësh të Policisë së Kosovës.

Të dyshuarit me aktvendim të prokurorit janë dërguar në mbajtje.

Raporti i plotë:

“Austri 12.12.2022-15.01.2023. Lidhur me rastin, njësitë policore në koordinim me prokurorinë dhe gjykatën kompetente, me datë 14.11.2023 kanë arrestuar dy të dyshuar meshkuj kosovarë, ndaj të cilëve ishte i lëshuar urdhër arrest ndërkombëtar për veprat penale të kryera në Austri, si dhe kanë kryer bastisje ne 4 lokacione të ndryshme ne rrethinën e Prishtinës. Gjatë bastisjeve, në cilësi të dëshmive materiale janë sekuestruar  një sasi e stolive të arit, dy automjete si dhe 156 fishek të kalibrit 9 mm. Të dyshuarit me aktvendim te prokurorit kompetent janë dërguar ne mbajtje”.