Janë arrestuar tre persona të dyshuar në fshatin Carrallukë-Malishevë pasi që kishin postuar video në rrjete sociale ku ishin parë duke përdorur armë.

Tre të dyshuarit, Xh.H., H.H., dhe E.H., meshkuj, shtetas të Republikës së Kosovës janë arrestuar mbi dyshimin se të njëjtit ishin përfshirë në veprën penale “përdorim i armës apo mjetit të rrezikshëm”.

Si dhe janë konfiskuar:

 Dy (2) armë zjarri të gjata,

Tri (3) armë zjarri të shkurtra (pistoleta) dhe

 Njëqind e njëzet e tetë (128) fishekë

Armët dhe municioni janë konfiskuar, ndërsa të dyshuarit pas përfundimit të intervistimit, me vendim të prokurorit të shtetit janë liruar në procedurë të rregullt, ndaj tyre është iniciuar rast “mbajtje në pronësi, kontroll ose posedim të paautorizuar të armëve” dhe “përdorim i armës apo mjetit të rrezikshëm”.