Krasniqi thotë se këta ish-anëtarë të Vetëvendosjes e quajtën Lëvizjen “paranojave”, por që në fund e treguan se vetë ishin “paranojak”.

“U deshën 1 vit për ta kuptuar që Lëvizja VETËVENDOSJE! nuk është paranojake: ata që e kishin akuzuar VETËVENDOSJE!-n për “mungesë demokracie” përfunduan në partinë më autoritare në vend”, shkruan Krasniqi në Facebook.

Zëdhënësi i VV-së e quajti PDK-në parti të korruptuar dhe kriminale, dhe tha se Halimi e Gecaj duhet të kërkojnë falje për akuzat e bëra ndaj Lëvizjes.

“A s’do të ishte mirë që disa njerëz që duke u bazuar në kritikat e këtyre dyve, akuzuan padrejtësisht VETËVENDOSJE!-n, sot të kërkojnë falje?”, tha Krasniqi.

Para rreth një viti Ajnishahe Halimi dhe Arben Gecaj akuzuan Lëvizjen Vetëvendosje për mungesë demokracie, dhe formuan Fraksionin +, i cili tanimë i është bashkuar Partisë Demokratike të Kosovës. /insajderi.com