Australia ia doli të kualifikohej në raundin tjetër të Kupës së Botës. Fitorja ndaj Danimarkës bëri që ‘Socceroos’ ta mbyllnin Grupin D në kuotën e 6 pikëve ne vendin e dytë.

Një video tregon tifozët në Australi në një gjendje euforie, duke ndezur flakadanët teksa festojnë fitoren e madhe në orën 4 të mëngjesit.

Mijëra tifozë janë mbledhur në një ‘Fan Zone’, duke parë ndeshjen në një ekran të madh. Është vetëm hera e dytë që Socceroos kalojnë në 1/8 të Kupës së Botës, pasi siguruan një vend në të njëjtën fazë në 2006.