Ballkani ka pësuar humbje 2-1 ndaj Astanas në kuadër të rrethit të tretë të Ligës së Konferencës.

Pas shtatë minutash lojë, mysafirët kaluan në epërsi me golin e Kamo Hovhannisyan.

Por, festa e lojtarëve të Astanas zgjati vetëm 60 sekonda, pasi kampioni i Kosovës i barazoi shifrat.

Ishte Edvin Kuç, ai që barazoi rezultatin në 1-1, për të rikthyer ndeshjen në baraspeshë.

Mirëpo, Astana ia doli të rikthente epërsinë me golin e Abzal Beysebekov, që realizoi në minutën e 23-të.

Edhe pse gjatë gjithë pjesës së dytë Ballkani kërkoi golin, ndeshja u mbyll me rezultatin e pjesës së parë (1-2).

Viktoria Plzeni është lider i Grupit C me gjashtë pikë, ndërsa Ballkani, Dinamo Zagrebi dhe Astana kanë nga tri pikë.