Krimet Ekonomike të Policisë së Kosovës kanë kryere bastisje në objektin e Ministrisë së Bujqësisë e cila udhëhiqet nga ministri Faton Peci.

Bastisja është kryer në Zyrën e Prokurimit.

Gazeta Insajderi mëson se hetuesit policorë kanë ndaluar për intervistim zyrtarin nga Departamenti për Politika Bujqësore dhe Tregje, Bedri Dobra.

Policia ka sekuestruar kompjuter e dokumente të cilat janë dërguar në objekt të policisë për hetim.

Ndërsa, ende nuk ka një njoftim zyrtar nga policia e Kosovës lidhu me këtë aksion derisa Insajderi ka provuar disa herë të merr një konfirmim.

Dyshimet e para janë se bastisjet kanë ndodhur pas raportimit në media për një procedurë tenderuese 66 mijë euroshe, për bartjen e mobilieve nga ish-selitë e AAK’së për inventar që nuk kanë ekzistuar.

Këto janë pamjet nga momenti kur zyrtari largohet nga ministria nën përcjelljen e policëve hetues:

Zyrtari në fjalë, Bedri Dobruna ishte shpallur “punëtori i vitit” nga ministri Faton Peci në vitin 2024.

Faton Peci, ministri i Bujqësisë është lajmëruar me një foto në Facebook, pasi Krimet Ekonomike të Policisë së Kosovës kanë kryer bastisjes në objektin e kësaj Ministrie. Por, jo për këtë rast, ai ka ndarë një foto i buzëqeshur nga fshati Babaj i Bokës së Gjakovës.

E komentuesit kanë nisur të tallen me Ministrin Peci në foton e ndarë.

Dikush ka ironizuar me veshjen e tij, e dikush me mbiemrin e Ministrit.

“Për burg koke vesh, të erdh koha me të ba synet, boll vjedhe“, janë disa prej komenteve që kanë filluar të bëhen në foton e ndarë nga Faton Peci.

/Gazeta Insajderi/