×
  • Lajme
  • Lajme

    Protestë kundër kryqit në Butel të Shkupit

    Insajderi
    03 March 2016 - 10:35
    Klikoni Këtu për t'u bërë pjesë e kanalit të Insajderit në Youtube.

    Bashkimi Demokratik për Integrim (BDI) sot në orën 17.00, para Komunës së Butelit, do të zhvillojë protestë paqësore për ta kundërshtuar vendosjen e kryqit 56 metra të lartë në këtë komunë.

    Vendimi për mbajtjen e protestës u mor mbrëmë në selinë e BDI-së në Shkup.

    “Sonte në selinë e Bashkimit Demokratik për Integrim në Shkup, drejtuesit e të gjitha degëve të kryeqytetit të Dardanisë, bashkë me anëtarët e Kryesisë Qëndrore të BDI-së, demonstruan unitet dhe përkushtim të përbashkët për të kundërshtuar keqpërdorimin e simboleve fetare për qëllime politike dhe partiake. Andaj, ne të gjithë bashkërisht, ftojmë të gjitha mediat, shoqërinë civile dhe qytetarët që ta kundërshtojmë njëzëri projektin përçarës dhe nxitës në Komunën e Butelit”, thuhet në komunikatën e BDI-së.

    Ndërkohë që në ora 10 do të ketë konferencë për shtyp para Komunës së Butelit ku do dhe do e paralajmëron protestën./Alsat-M/

     

    OP-ED
    Nga Rubrika
    Lajme
    13 July 2024

    © 2016-2024 Gazeta Online Insajderi - Të gjitha të drejtat e rezervuara.

    Impressum

    Kontakt

    Trademark