![](https://insajderi.org/wp-content/themes/insajderi-org/logo/menu-insajderi.png)
Zëvendëskryeministri dhe ministri i Punëve të Brendshme të Serbisë, Ivica Daçiq, ka bërë të ditur se ka lëshuar urdhër për ndalimin e tubimit publik të pjesëmarrësve të festivalit “Mirëdita, dobar dan”.
Pas kësaj ka reaguar Zyra e Bashkimit Evropian në Serbi duke thënë se është zhgënjyese se si ky festival që mbahet që nga viti 2014, e që po ashtu është i financuar nga BE’ja, u ndalua sot.
Sipas tyre, kjo iniciativë është pjesë e rëndësishme e normalizimit mes dy vendeve.
“Zhgënjyese kur mësova se festivali “Mirëdita, Dobar Dan” i financuar nga BE-ja, që zhvillohet që nga viti 2014, u ndalua sot. Kjo iniciativë e lavdërueshme e OSHC-ve ndërton ura ndërmjet popujve, një pjesë e rëndësishme e përpjekjeve të normalizimit Beograd-Prishtinë”, thuhet në cicërimën e tyre.
Disappointing to hear that the EU-funded "Mirëdita, Dobar Dan" festival, taking place since 2014, was banned today. This commendable CSO initiative builds bridges between the peoples, an important part of the Belgrade-Pristina normalisation efforts.@EGiaufretEU
— EU u Srbiji (@eusrbija) June 27, 2024