Ekzekutimi i pagave sipas ligjit të ri në sektorin publik sot ka marrë shumë reagime e ppakënaqësi nga qytetarët.
Zyrtarët policor dhe zyrtarët korrektues kanë pranuar në xhirollogaritë e tyre paga më të ulëta se herën e fundit, krejt kjo si pasojë e mosekzekutimit të rrezikshmërisë.
Insajderi ka kontaktuar me kryetarin e Sindikatës së Policisë së Kosovës, Imer Zeqirin dhe kryetarin e Sindikatës së Shërbimit Korrektues të Kosovës, Zenun Sadikaj.
Të njëjtit kanë konfirmuar se zyrtarët nuk kanë pranuar rroga të plota.
Kësisoj ka konfirmuar edhe kryetari i Sindikatës së Zjarrfikësve të Kosovës, Muharrem Beka.
Ai tha se kjo lidhet me formimin e komisioneve që janë enkas për gradat e këtyre sektoreve. Beka shtoi se zjarrfikësit kanë pranuar të njëjtën pagë të gjithë pavarësisht pozitës që ata e ushtrojnë.
“Rrezikshmëria lidhet me ekstra dokumente që lidhen me komisionet mbi gradat e zjarrfikësve. Tash zjarrfikësit janë pagu njëjtë pavarësisht pozitës që ushtrojnë. Rritja e proklamume në paga nuk ka ndodh edhe kam marrë shumë telefonata për këtë pjesë”, tha Beka për Insajderin/Gazeta Insajderi.